好耐冇打xange啦.. 不過入完camp之後真係好想同大家有一d分享.. 今次係去長洲鮑思高青少年營... 第一日入到去既時候我冇諗過係會禁辛苦既.. 只係打算hea下過..當休息離開市區..忘記煩惱.... 不過由一落船出發到左營地之後...我知道這個地方同我想像的有很大的差異.. 呢到既生活就好似軍營禁..做每一樣都好有限制... 如冷氣開放既時間..每晚12點就關燈..食飯時間..食飯用具要自己攞同洗.. 只有夜晚先會有熱水...d野又唔好食... 環境就更加唔理想...d燈會眨眨下...d床位又唔夠..要訓地下... 有d有床既就要2個人訓一張床... 有好多不滿由心而起... 到左開始活動..就分為4組..成組人我都冇幾個係識既.. 大家都好難投入..我就被選左做副組長.. 我自己好有好多既擔心唔知點樣團結大家..同融入大家.. 之後開始比賽...我地提出一d既方案點樣玩得好d.. 開始左我地第一次既接觸.. 之後我地食完飯又開始玩... 今次大家就要多左身體接觸..要有人犧牲..每一個人都要投入同用力... 呀sir開始要求我地每做事都要有策略..點樣同組員溝通.. 佢對我地既要求非常嚴格..一定要我地做到為止.. 唔理我地有幾辛苦..幾困難都一定要完成... 最後我地都完成左... 但係大家開始多左溝通...有一組人既感覺... 無形之間大家friend左好..有講有笑... 之後玩一個勾野既既遊戲...我地好亂... 係禁俾呀sir罵....我地開始發覺原來要做得好一件事並唔係動手禁簡單.. 要分工..計劃..不斷試... 完成之後我地每個都散晒禁呀.. 呀sir每完左一次活動都要我地反思..回應..思考.. 每個人都有d野既得著.. 第2日...我地就去高空繩網... 呢個活動俾我既得著同啟發係最大最大既.. 我係3個人一組...上一個2層既天梯..每一格都有人禁高.. 仲要左右既係"威也"唔可以捉..只有橫既木可以捉..就咩都冇啦.. 仲係搖下搖禁..我仲係第一組..點上都唔知.. 我上左一格已經好辛苦..唔想再上.. 點知呀sir..仲一定要我地上到最高..打個鐘.. 我地一格一格...用我全身..用我一年用既力去上去.. 成身瘀傷..最後我地都上到去.. 我係上面我都唔相信自己做得到.. 好彩有隊友合作我地完成左...好多謝佢地.. 原來只要相信自己做得到..你就一定做得到... 到左夜晚蒙眼夜行.... 只有2個人可開眼..其他就蒙眼聽指令.. 我開頭做蒙眼果個..我以為下指令好容易.. 點知到我果時..我完全控制唔到.. 原來做領袖下指令係禁難嫁.. 第3日... 我地就每人野傳波...我地開始好有默契.. 完成左2次...成為最快果組..好有成功感.. 最後就玩水柱...個個好開心...好投入... 不過就係時候完啦... 有小小唔捨得...因為真係學到好多野... 我發覺自己多左去挑戰...勇敢左... 而且我係營入面我真係感覺到神俾左一d我.. 講左d好重要既俾我知道...一次好好既經歷... 我好放心地將所有野交俾佢... 我好開心自己終於肯定左自己既信仰... 好想將呢個信念留往到一世.. 我好想同大家分享..見證呢一刻... 唔單係我一個我身邊好多人..響呢幾個月都開始有左轉變.. 包括嘉男同葉子..我好開心可以有共同既信仰... 把所有都交俾佢...我知道佢為我地安排左最好的... 希望中6中7既每一個想放棄既時候都要回想起...呢次既經歷... 記住"只要相信自己做得到..你就一定做得到..." | 
